मन...

आठवणींचा चहा...
निवांत क्षणांची गवती पाती ...
आणि तुझ्या नावाची साखर...
आयुष्याला तरतरी येते मग....
कुठे असतोस तू त्यावेळी..
तुझ्या मनाच्या तळ्यात
कधी पोहतात का रे
माझ्या आठवणींचे
शुभ्र राजहंस?
माहीत नाही मला.
माझ्या दिवसाच्या रानात मात्र
तू माझा असल्याची जाणीव
वा-यासारखी सळसळत असते... सतत..
अखेर संध्याकाळ होते...
तुझ्या सावलीचा गारवा पसरतो माझ्या देहाच्या दारात...
आणि प्राण चिंब होत जातात तुझ्या स्पर्शाच्या थेंबांत...
............
आठवणींचा चहा...
निवांत क्षणांची गवती पाती ...
आणि तुझ्या नावाची साखर...
... साखर थोड़ी ओली झालीये का...?