सहज म्हणता म्हणता,कठीण होउन जातं सारं,
विचारांची पिसं उड़वतं,तुझ्या एका स्पर्शाचं वारं....
वा-यासोबत जायचं तर,जमिनीवर नाही राहात पाय,
पण तू वजा केल्यावर,आयुष्य मग उरतच काय....
वजाबाकी भागाकार, बेरीज अन गुणाकार,
थकलेय हिशोब मांडताना..
तुझ्याशी, तुझ्याशिवाय,नशिबाशी भांडताना...
एकदाच ये अन घेउन जा,
गुलजारच्या शब्दांच्या राज्यात..
देहातला पाउस, थांबलाय केव्हाचा,
आता थांबत नाही आत...
माहितीये मला, या रस्त्याला,परतीची वाट नाय....
पण तू वजा केल्यावर,आयुष्य मग उरतच काय....