सूर्याची किरणं बरसत राहतात...

समुद्राच्या मीलनोत्सुक लाटांवर

...आणि आवेग सहन करत त्यांचा

त्या तापत राहतात-

निसर्ग चक्र फिरतच रहातं....

आणि मग डोहाळे लागतात,

भिजण्याचे... भिजवण्याचे...

ढगांच्या तोंडावर दिसू लागतं

मग आगळंच तेज...

आणि लख्ख चमकणा-या विजेच्या वेणा सोसत...

जडावलेल्या नभांतून...

पावसाचं बाळ बाहेर येतं ...

उपडं पडतं... रांगू लागतं... दुडदुडु लागतं...

थेंबातून पाउस बाळ निरागस हसू लागतं....